Sinoptikter 20-22 jeltoqsanǵa arnalǵan aýa raiy boljamyn jariialady, dep habarlaidy "Ult aqparat" «Qazgidromet» RMK-ǵa silteme jasap.
«Sýyq arktikalyq aýa aǵyndaryna bailanysty aldaǵy táýlikterde respýblikanyń soltústik, ortalyq jáne shyǵys oblystarynda burqasyn bolyp, qar jaýady jáne ekpindi jel soǵady.
Skandinavianyń soltústik aimaqtarynda qalyptasqan antitsiklonǵa bailanysty jaýyn-shashyn toqtaidy jáne aýa temperatýrasy sýytady. Al, Qazaqstannyń taýly aimaqtary ońtústik frontaldi júieniń yqpalynda bolady. Munda ótkinshi qar jaýyp, tuman túsedi jáne kóktaiǵaq bolýy yqtimal. Aýa temperatýrasy respýblikanyń búkil aýmaǵynda klimattyq normadan tómen bolady, biraq soltústik, ortalyq jáne shyǵys aimaqtarda túnde temperatýra 30...35°S deiin tómendeidi», - delingen sinoptikterdiń habarlamasynda.
