Sinoptikter Qazaqstanda aldaǵy úsh kúnde kún salqyndaitynyn boljap otyr, dep habarlaidy "Ult aqparat".
Qazgidromettiń málimdeýinshe, 29 tamyz – 2 qyrkúiek aralyǵynda Oralda ornalasqan tsiklon Batys Sibir arqyly, al onymen bailanysty atmosferalyq aýa aǵyndary Qazaqstan arqyly jyljidy. Sondyqtan respýblikanyń batys jáne soltústik oblystarynda jańbyrly jáne salqyn aýa raiy saqtalady.
Al shyǵysqa jáne ońtústik-shyǵysqa sýyq jáne ylǵaldy aýa massalarynyń taralýyna bailanysty, Qazaqstannyń qalǵan aimaqtarynda naizaǵai jarqyldap, jańbyr jaýady, kúshti jel turyp, aýa temperatýrasy kópjyldyq ortasha mánnen 2…4°S-qa tómen bolýy múmkin.
