Sinoptikter 10-12 qyrkúiek kúnderiniń aýa raiyna boljam jasady, dep habarlaidy "Ult aqparat" Qazgidrometke silteme jasap.
«Oral aimaǵynan salqyn ári ylǵaldy aýa massalaryn ákeletin biiktegi barikalyq jyranyń jáne onymen bailanysty aýa aǵyndarynyń Qazaqstandaǵy aýa raiyna áseri áli de baiqalady. Sondyqtan aldaǵy úsh kúnde jańbyr jaýady, ońtústik jáne ońtústik-shyǵysta naizaǵai oinap, kóptegen oblysta aýa temperatýrasy jyldyń osy mezgiline tán ortasha kórsetkishten tómenirek bolady», - delingen habarlamada.
Soltústik, ortalyq jáne shyǵys óńirlerde kún ashylyp, aýa temperatýrasy nólden joǵary 3 gradýsqa deiin tómendeidi. Tek respýblikanyń batysynda antitsiklonǵa bailanysty kún jaýyn-shashynsyz bolady, sol antitsiklon shyǵysqa qarai jyljýynyń arqasynda birtindep ońtústik jáne ońtústik-shyǵys oblystardaǵy jańbyr toqtaidy.
