Foto: Total.kz
Shaǵyn qalalar men aýdan ortalyqtarynda jáne eldi-mekenderde 1000 mektepti jańǵyrtý jumystary aiasynda 2025 jyly 700-ge jýyq mektep kitaphanasy jóndeýden ótedi. Bul shamamen 300 myń balaǵa zamanaýi jáne qolaily kitaphana keńistigin paidalanýǵa múmkindik beredi, dep habarlaidy Ult.kz.
Mektepterde kitaptardy avtomatty túrde esepke alatyn jáne jedel izdeitin RFID tehnologiiasy engizilýde, al 20-dan astam kitaphanada skanerleýshi robottar jumys jasaidy. 2023 jyldan bastap «Balalar kitaphanasy» jobasy aiasynda mektep kitaphanalarynyń qory 1,6 million dana kórkem ádebietpen tolyqty. Búginde jalpy kitap qory 141 million danadan asady.
Kadr daiarlaýǵa erekshe kóńil bólinýde: tek 2024 jyly 1 775 mektep kitaphanashysy biliktilikti arttyrý kýrstarynan ótti, al 2025 jyly oqý jalǵasady. Bul — mektep kitaphanalaryn balalar úshin shynaiy bilim men qarym-qatynas ortalyǵyna ainaldyrý jolyndaǵy mańyzdy qadam.
