فوتو: Total.kz
شاعىن قالالار مەن اۋدان ورتالىقتارىندا جەنە ەلدٸ-مەكەندەردە 1000 مەكتەپتٸ جاڭعىرتۋ جۇمىستارى اياسىندا 2025 جىلى 700-گە جۋىق مەكتەپ كٸتاپحاناسى جٶندەۋدەن ٶتەدٸ. بۇل شامامەن 300 مىڭ بالاعا زاماناۋي جەنە قولايلى كٸتاپحانا كەڭٸستٸگٸن پايدالانۋعا مٷمكٸندٸك بەرەدٸ, دەپ حابارلايدى Ult.kz.
مەكتەپتەردە كٸتاپتاردى اۆتوماتتى تٷردە ەسەپكە الاتىن جەنە جەدەل ٸزدەيتٸن RFID تەحنولوگيياسى ەنگٸزٸلۋدە, ال 20-دان استام كٸتاپحانادا سكانەرلەۋشٸ روبوتتار جۇمىس جاسايدى. 2023 جىلدان باستاپ «بالالار كٸتاپحاناسى» جوباسى اياسىندا مەكتەپ كٸتاپحانالارىنىڭ قورى 1,6 ميلليون دانا كٶركەم ەدەبيەتپەن تولىقتى. بٷگٸندە جالپى كٸتاپ قورى 141 ميلليون دانادان اسادى.
كادر دايارلاۋعا ەرەكشە كٶڭٸل بٶلٸنۋدە: تەك 2024 جىلى 1 775 مەكتەپ كٸتاپحاناشىسى بٸلٸكتٸلٸكتٸ ارتتىرۋ كۋرستارىنان ٶتتٸ, ال 2025 جىلى وقۋ جالعاسادى. بۇل — مەكتەپ كٸتاپحانالارىن بالالار ٷشٸن شىنايى بٸلٸم مەن قارىم-قاتىناس ورتالىعىنا اينالدىرۋ جولىنداعى ماڭىزدى قادام.
