Qazaqstanda 5,5 mln adam sportpen júieli túrde shuǵyldanady. Bul týraly búgin ortalyq kommýnikatsiialar qyzmetinde ótken brifingte mádeniet jáne sport ministri Aqtoty Raiymqulova aitty, dep habarlaidy Baq.kz agenttigi.
«2018 jyldyń qorytyndysy boiynsha dene shynyqtyrý jáne sportpen júieli túrde ainalysatyndardyń sany 30 % qurady. Iaǵni elimizde 5,5 mln adam sportpen júieli túrde shuǵyldanady. Bul turǵyda buqaralyq sportty damytý baǵytynda 2019 jyldyń birinshi jarty jyldyǵynda 207 mln adamdy qamtyǵan 27 myń sporttyq-buqaralyq is-shara uiymdastyryldy. Aýyldyq jerde 1,1 mln adamdy qamtyǵan 16 myń sporttyq buqaralyq is-shara ótti», - deidi Aqtoty Raiymqulova.
Onyń aitýynsha, biylǵy jyly 22 dene shynyqtyrý-saýyqtyrý kesheni salynady. Aimaqtarda dene-shynyqtyrý saýyqtyrý keshenderiniń 100, 160 jáne 320 oryndyq tiptik jobalary qarastyrylǵan.
«Jergilikti ákimdiktermen birge 2019 jyly salynatyn jobalar tizimin naqtylandy. Biyl 22 dene shynyqtyrý-saýyqtyrý kesheni, 2020 jyly - 34, 2021 jyly – 44 nysan salynady. Sport keshenderdiń qurylysy jergilikti biýdjet jáne demeýshiler qarajaty esebinen júzege asyrylady. Ministrliktiń júrgigen taldaýyna sáikes, óńirlerde sporttyq zaldarǵa degen qajettilik – 1 mln 457 myń sharshy metrdi quraidy», - dedi Aqtoty Raiymqulova.
