Jyl basynan beri Qazaqstanda 30 myńnan astam bala COVID-19 indetine shaldyqty, dep habarlaidy "Ult aqparat".
«2021 jyldyń 1 qańtarynan bastap búginge deiin balalar arasynda 31 myń 188 jaǵdai tirkeldi. Olardyń 88% -y búginde jazylyp shyqty, ortasha eseppen aýyrtpalyq 14,3%-dy qurady. Jáne balalardyń 86,5%-da atalǵan indet simptomsyz boldy. Buǵan deiin aityp ótkenimdei, balalar arasynda koronavirýstyń taralý qarqyny ósip otyr. Eger biylǵy qańtar men shilde aiyn salystyrar bolsaq, shilde aiynda balalar arasynda virýsqa shaldyǵý 2 esege ósti», - dedi Aijan Esmaǵambetova OKQ-de ótken baspasóz máslihatynda.
Odan bólek, komitet basshysy ujymdyq immýnitet qalyptaspai atalǵan indettiń tarala beriletinin eskertti.
Onyń aitýynsha, búginde koronavirýs juqtyrýshylardyń 80 paiyzy simptomdy jáne 20 paiyzy simptomsyz kórsetkishti quraidy.
«Joǵaryda aitylǵan statistika virýstyń mýtatsiialanyp, odan ári taralyp jatqanyn kórsetip otyr. Iaǵni biz ujymdyq immýnitettiń qalyptastyrmaiynsha koronavirýs tarala beredi. Odan saqtaný óz qolymyzda», - deidi ol.
