Elimizde 3 myń oqýshyda mesendjer nemese basqa quraldar arqyly keri bailanys ornatý múmkindigi joq. Bul týraly Ortalyq kommýnikatsiialar ortalyǵynda «Tótenshe jaǵdai kezinde qashyqtan oqytýdyń jańa formattary» taqyrybynda ótken onlain brifingte aityldy, dep habarlaidy "Ult aqparat".
«Elimizde shalǵaida ornalasqan eldi mekender kóp jáne shaǵyn jinaqtalǵan mektepter de bar. Búgingi kúni osyndai 1250 eldi mekende 27 myńǵa jýyq bala oqidy. Sol 27 myń balanyń tek 3 myńy ǵana mesendjer nemese basqa quraldar arqyly keri bailanys ornatýǵa múmkindigi joq. Osy múmkindikti berý úshin ustazben poshta arqyly keri bailanys ornatýǵa bolady degen sheshim qabyldadyq. Oqýshy dáristi teledidar arqyly alyp, suraqtary bolsa ustazymen poshta arqyly bailanys ornatýǵa múmkindigi bar. Bul múmkindikti paidalaný nemese paidalanbaýdy ata-analardyń ózderi sheshedi», - deidi QR Bilim jáne ǵylym ministri Ashat Aimaǵambetov.
