Indýstriialandyrý kartasy aiasynda jalpy somasy 2 trln teńgege 110 joba iske asyrylyp jatyr. Bul týraly búgin Úkimet otyrysynda QR Indýstriia jáne infraqurylymdyq damý ministri Beibit Atamqulov aitty, dep habarlaidy QazAqparat.
«Indýstriialandyrý kartasy aiasynda jalpy somasy 2 trln teńgege 110 joba iske asyrylyp jatyr. Olarda 12 myńnan astam jańa turaqty jumys orny ashylady. Óńdeý ónerkásibin damytýdy zańnamalyq qamtamasyz etý maqsatynda Memleket basshysynyń tapsyrmasy boiynsha Úkimet ótken jyly «Ónerkásiptik saiasat týraly» zań jobasyn ázirledi. Qazirgi ýaqytta zań jobasy Parlament Májilisiniń qaraýynda», - dedi óńdeý ónerkásibin damytý jaiynda baiandaǵan ministr.
Onyń atap ótýinshe, Memleket basshysynyń óńdeý ónerkásibi kólemin 2025 jylǵa qarai 1,5 esege arttyrý jónindegi tapsyrmasyn Indýstriia ministrligi jergilikti atqarýshy organdarmen birlesip oryndaityn bolady.
«Qazirgi ýaqytta óńirler men salalar boiynsha 2025 jylǵa deiin óńdeý ónerkásibi óndirisiniń kólemi boiynsha josparly kórsetkishterdi aiqyndadyq. Oǵan qol jetkizý úshin óńdeýshi salaǵa jaýapty negizgi ministrlikter oblystardyń jáne respýblikalyq mańyzy bar qalalardyń ákimdikterimen memorandým jasaýy oryndy bolady dep sanaimyz. Jalpy, júrgizilip jatqan sharalar elimizdiń óńdeý ónerkásibinde josparlanǵan kórsetkishterge qol jetkizip, indýstriialyq saiasattyń tiimdi iske asyrylýyna eleýli yqpal etedi», - dedi Beibit Atamqulov.
