1 shildedegi jaǵdai boiynsha 168,3 myń otbasyna ataýly áleýmettik kómek taǵaiyndaldy. Bul týraly Eńbek ministrligi habarlady.
2021 jylǵy 1 shildedegi jaǵdai boiynsha 168,3 myń otbasyndaǵy 816,2 myń adamǵa ataýly áleýmettik kómek taǵaiyndaldy. Aǵymdaǵy jyly osy maqsattarǵa biýdjetten 122,8 mlrd teńge bólindi.
AÁK otbasynyń árbir múshesine jan basyna shaqqandaǵy ortasha tabysy óńirlik eń tómengi kúnkóris deńgeiiniń 70%-ynan tómen azamattarǵa taǵaiyndalady.
Budan basqa, AÁK kórsetýdiń jańa tetigin iske asyrý sheńberinde elimizdiń barlyq óńirlerinde tabysy az otbasylardyń mektep jasyna tolmaǵan balalaryn kepildik berilgen áleýmettik toptamamen (budan ári – áleýmettik toptama) qamtamasyz etý boiynsha jumys júrgizilýde.
2021 jylǵy 1 shildede AÁK alýshylar qataryndaǵy 1 jastan 6 jasqa deiingi 201,5 myń balaǵa azyq-túlik jáne turmystyq himiia zattarynyń jiyntyǵy túrinde áleýmettik toptama taǵaiyndaldy.
Esterińizge sala keteiik, AÁK alýshylarǵa TJ rejimi men karantindik shekteý sharalarynyń qoldanylýyna bailanysty 2020 jylǵy II, III jáne IV toqsandarda, sondai-aq 2021 jylǵy I, II toqsandarda kómek taǵaiyndaý uzartyldy.
Qazirgi ýaqytta qazaqstandyqtar AÁK taǵaiyndaýǵa ótinishti turǵylyqty jeri boiynsha jumyspen qamtý ortalyǵynda, sondai-aq egov.kz elektrondyq úkimet portaly arqyly bere alady.
