Qazaqstandaǵy páter ieleriniń basyn biriktiretin 7499 uiymnyń 1554-i – múlik ieleriniń birlestigi, dep habarlaidy QazAqparat.
Bul týraly «Turǵyn úi kommýnaldyq sharýashylyǵyn jańǵyrtý men damytýdyń qazaqstandyq ortalyǵy» AQ basqarma tóraǵasynyń orynbasary Nurbek Serikov ortalyq kommýnikatsiialar qyzmetinde ótip jatqan brifingide aitty.
«Búginge deiin jańa basqarý formasyndaǵy 7499 birlestik quryldy. Onyń ishinde 1554-i – múlik ieleriniń birlestikteri. MIB qurýdyń ereksheligi páter ieleriniń iske tikelei arasyýyna baǵyttalǵan. Mysaly, birneshe úidi biriktiretin páter ieleri kooperativterinde onyń músheleri menshik ieleri emes. Sondyqtan olar MIB qurýǵa qatysa almaidy. Al MIB jumysynda múlik ieleriniń daýys berýi júrgiziledi. Iaǵni, árbir páter iesiniń erki men talaby eskeriledi. Osy daýystardy eseptei kelip, ortaq sheshim shyǵarylady. Sol boiynsha hattama toltyrylyp, halyqqa qyzmet kórsetý ortalyqtary arqyly ádilet organdaryna joldanady. Iaǵni, PIK-ti MIB-ke ainaldyra salý múmkin emes. Bul - óz aldyna jańa qurylym. MIB - kommertsiialyq emes uiym ekenin túsiný kerek», - dedi Nurbek Serikov.
Onyń aitýynsha, páter ieleri kooperativteri men múlik ieleri birlestiginiń arasyndaǵy daý boiynsha 68 is sotta qaralyp jatyr.
«PIK ókilderiniń qarjylyq-tehnikalyq esepterdi durys ótkizbeýi boiynsha máseleler bar. Respýblika boiynsha 68 sot isi qaralyp jatyr. Onyń jartysy PIK tóraǵalarynyń jáne músheleriniń páter ieleriniń jiynyndaǵy sheshimine qarsy shaǵym túsirýimen bailanysty. Taǵy bir jartysy qarjylyq-tehnikalyq qujatty ótkizý aktisimen bailanysty. Árine, kóbine mundai daýlar turǵyndardyń múddesine orai sheshilip jatyr. Óitkeni qarjylyq-tehnikalyq qujatty tapsyrý tártibi zańmen bekitilgen. Páter ieleriniń jiynynda sheshim shyǵarý tártibi de naqty bekitilgen. Sondyqtan sot organdary zań aiasynda turǵyndardyń múddesine sai sheshim shyǵaryp otyr», - dedi «Turǵyn úi kommýnaldyq sharýashylyǵyn jańǵyrtý men damytýdyń qazaqstandyq ortalyǵy» AQ basqarma tóraǵasynyń orynbasary.
