Elimizde 12 mln tonna astyq bastyryldy, dep habarlaidy Aýyl sharýashylyǵy ministrligi.
«15 qyrkúiektegi jaǵdai boiynsha respýblika boiynsha 13,2 mln ga dándi jáne dándi-burshaqty daqyldar nemese jalpy alqaptardyń 83,3 paiyzynan ónim jinaldy.
Ortasha ónimdilik gektaryna 9,1 tsentnerden, jalpy 12 mln tonna astyq bastyryldy», dep habarlady ministrlikten.
Vedomstvonyń málimetinshe, negizgi egin egetin úsh óńirde Aqmola, Qostanai jáne Soltústik Qazaqstanda 10 mln ga nemese jinaý alańynyń 86% jinaldy. Ónimdilik gektaryna 8,3 tsentnerden, 8,2 mln tonna astyq bastyryldy.
«Saqtaý syiymdylyǵy ótken jyldan qalǵan astyq pen biylǵy boljanyp otyrǵan astyq kólemin saqtaýǵa jetkilikti», delingen habarlamada.
