Air Astana áýekompaniiasy 12 mamyrdan bastap Qazaqstannyń oblys ortalyqtaryna turaqty reisterdi qaitadan oryndai bastaidy, dep habarlaidy "Ult aqparat".
«12 mamyrdan Aqtóbe jáne Qyzylordaǵa Almatydan, al 13 mamyrdan Nur-Sultannan qatynaidy. Sondai-aq, 13 mamyrdan Almatydan, al 14 mamyrdan Nur-Sultannan Óskemenge reister oryndalady», - delingen kompaniianyń baspasóz qyzmeti taratqan málimette.
Reister Airbus A320/A321 jáne Embraer E190-E2 ushaqtary arqyly oryndalady. Basqa qalalardaǵy áýejailar ashylǵannan keiin, osy qalalarǵa reister iske qosylatyn bolady.
Budan buryn habarlanǵandai, 11 mamyrda Nur-Cultan men Almaty qalalarynan Qaraǵandy, Aqtóbe, Pavlodar, Qostanai, Kókshetaý, Taraz, Taldyqorǵan qalalaryna áýe qatynastary jandanady.
Osy oraida tiisti qaýlyǵa Kóliktegi bas sanitarlyq dárigeri Sádýaqas Baiǵabylov qol qoidy.
