Elimizde 110 kólik urlaýshy, onyń ishinde 7 qylmystyq top qylmystyq jaýapkershilikke tartyldy. Bul týraly QR IIM Kriminaldyq politsiia departamenti bastyǵynyń orynbasary Qanat Nurmaǵambetov málim etti, dep habarlaidy QazAqparat.
«Ministrlik 16-22 tamyz aralyǵynda elimizde «Avtomobil» degen shartty ataýmen keń aýqymdy is-shara ótkizdi. Oǵan 4 myńnan astam politsiia qyzmetkeri jumyldyrylyp, atalǵan kezeń ishinde 95 kólik urlyǵy ashyldy. Is-shara barysynda 433 post, onyń ishinde kórshiles eldermen shekaralas aýdandarda 62 post qoiyldy. 3 myńnan astam kólik jóndeý ortalyǵy, jekemenshik avtosheberhanalar, kólik turaǵy kooperativteri men avtoturaqtar tekserildi», - dedi ol.
Onyń aitýynsha, atalǵan jumystardyń nátijesinde urlanǵan 5 kólik tabyldy. Avtobólshekter satatyn oryndardy tekserý barysynda urlanǵan kóliktiń bólshekterin satýdyń 16 deregi tirkeldi.
«Ishki saýda erejesin buzǵany úshin QR ÁQBtK 204-1-babymen 70 ákimshilik hattama toltyryldy. Is-shara barysynda 110 kólik urlaýshy, onyń ishinde 7 qylmystyq top qylmystyq jaýapkershilikke tartyldy», - dedi Qanat Nurmaǵambetov.
