ەلٸمٸزدە 110 كٶلٸك ۇرلاۋشى, ونىڭ ٸشٸندە 7 قىلمىستىق توپ قىلمىستىق جاۋاپكەرشٸلٸككە تارتىلدى. بۇل تۋرالى قر ٸٸم كريمينالدىق پوليتسييا دەپارتامەنتٸ باستىعىنىڭ ورىنباسارى قانات نۇرماعامبەتوۆ مەلٸم ەتتٸ, دەپ حابارلايدى قازاقپارات.
«مينيسترلٸك 16-22 تامىز ارالىعىندا ەلٸمٸزدە «اۆتوموبيل» دەگەن شارتتى اتاۋمەن كەڭ اۋقىمدى ٸس-شارا ٶتكٸزدٸ. وعان 4 مىڭنان استام پوليتسييا قىزمەتكەرٸ جۇمىلدىرىلىپ, اتالعان كەزەڭ ٸشٸندە 95 كٶلٸك ۇرلىعى اشىلدى. ٸس-شارا بارىسىندا 433 پوست, ونىڭ ٸشٸندە كٶرشٸلەس ەلدەرمەن شەكارالاس اۋدانداردا 62 پوست قويىلدى. 3 مىڭنان استام كٶلٸك جٶندەۋ ورتالىعى, جەكەمەنشٸك اۆتوشەبەرحانالار, كٶلٸك تۇراعى كووپەراتيۆتەرٸ مەن اۆتوتۇراقتار تەكسەرٸلدٸ», - دەدٸ ول.
ونىڭ ايتۋىنشا, اتالعان جۇمىستاردىڭ نەتيجەسٸندە ۇرلانعان 5 كٶلٸك تابىلدى. اۆتوبٶلشەكتەر ساتاتىن ورىنداردى تەكسەرۋ بارىسىندا ۇرلانعان كٶلٸكتٸڭ بٶلشەكتەرٸن ساتۋدىڭ 16 دەرەگٸ تٸركەلدٸ.
«ٸشكٸ ساۋدا ەرەجەسٸن بۇزعانى ٷشٸن قر ەقبتك 204-1-بابىمەن 70 ەكٸمشٸلٸك حاتتاما تولتىرىلدى. ٸس-شارا بارىسىندا 110 كٶلٸك ۇرلاۋشى, ونىڭ ٸشٸندە 7 قىلمىستىق توپ قىلمىستىق جاۋاپكەرشٸلٸككە تارتىلدى», - دەدٸ قانات نۇرماعامبەتوۆ.
