20 shilde saǵat 9.00-degi jaǵdai boiynsha 42 500 teńge tólem taǵaiyndaýǵa azamattardan 1 mln 55 myń ótinish qabyldandy. Tólem 880 myń adamǵa taǵaiyndaldy, dep habarlaidy "Ult aqparat".
QR Eńbek jáne halyqty áleýmettik qorǵaý ministrliginiń málimetinshe, ótinim birneshe arna arqyly qabyldanady.
1 million 55 myń ótinimniń ishinde:
– 688,7 myń adam proaktivti formatta tólem taǵaiyndaýǵa kelisim berdi;
– 271,2 myń adam Egov.kz portaly jáne telegram-bot arqyly;
– 50,3 myń adam 42500.enbek.kz portaly arqyly;
– 44,8 myń adam ekinshi deńgeidegi bankterdiń mobildi qosymshalary men internet-resýrstar arqyly ótinish bergen.
Onyń ishinde:
– 688,7 myń ótinish biryńǵai jiyntyq tólem tóleýshilerden berildi (proaktivti formatta);
– 15,7 myń ótinishti jaldamaly qyzmetkerleri úshin jumys berýshiler berdi;
– 350,6 myń ótinish azamattardyń basqa sanattarynan kelip tústi.
Qordan 880 myń adamǵa tólem taǵaiyndaldy.
Esterińizge sala keteiik, Memleket basshysynyń tapsyrmasy boiynsha 2020 jyldyń shilde aiynda karantin engizilýine bailanysty jumys istep jatqan qazaqstandyqtarǵa tabysy tolyq joǵalǵan jaǵdaida bir eń tómengi jalaqy – 42 500 teńge mólsherinde birjolǵy tólem beriledi.
Ótinish qabyldaý 2020 jyldyń 1 qyrkúiegine deiin jalǵasady.
