Kúz jáne qys maýsymy bastalǵaly beri eldiń sý aidyndarynda 16 adam, onyń ishinde 5 bala qaza tapty, dep habarlaidy "Ult aqparat" Tótenshe jaǵdailar ministrligine silteme jasap.
TJM aýmaqtyq bólimsheleri sý aidyndarda qaiǵyly jaǵdailardyń aldyn alý úshin reid ótkizedi. Reid barysynda balyq aýlaý kezindegi qaýipsizdik sharalaryn saqtaý týraly aqparattyq jadynamalar taratylady. Bul týraly QR TJM resmi ókili Talǵat Ýáli habarlady.
Kúz-qys kezeńiniń basynan beri 4 512 patrýl jáne reid ótkizildi, sýdaǵy júris-turys qaǵidalaryn saqtaý boiynsha 15 769 nusqaýlyq júrgizildi.
Kún saiyn qaýipti sý aidyndarda, ásirese ótkelderde, muz ótpe joldarynda, muz astynan balyq aýlaý oryndarynda muzdyń qalyńdyǵyn baqylaý jumystary júrgiziledi. Ol jerlerde 1 095 eskertý belgisi ornatylǵan.
1 jeltoqsandaǵy jaǵdai boiynsha sý aidyndaryndaǵy muzdyń qalyńdyǵy:
- soltústik óńirde - 5-8 sm.;
- batys óńirde - 1-3 sm.;
- ortalyq óńirde - 10-12 sm.;
- shyǵys óńirde - 25-30 sm.;
- ońtústik óńirde - 3-4 sm.
Ań jáne balyq aýlaý maýsymy bastalǵannan beri (1 qazan - 7 jeltoqsan ) eldiń sý aidyndarynda 16 adam, onyń ishinde 5 bala qaza tapty.
Balyq aýlaý kezinde erejelerdiń buzylýynan 11 adam qaza tapty jáne eresek adamdardyń qaraýynsyz qalǵan 5 bala abaisyzda sýǵa qulap, sýǵa batyp ketti.
Qaza bolǵandar Aqmola (5 adam), Almaty (3 adam, onyń ishinde 2-eýi bala), Jambyl (2 bala), Qostanai (2 adam), Qyzylorda (2 adam), Mańǵystaý (1 bala), Túrkistan (1 bala) oblystarynyń sý aidyndarynda tirkeldi.
