كٷز جەنە قىس ماۋسىمى باستالعالى بەرٸ ەلدٸڭ سۋ ايدىندارىندا 16 ادام, ونىڭ ٸشٸندە 5 بالا قازا تاپتى, دەپ حابارلايدى "ۇلت اقپارات" تٶتەنشە جاعدايلار مينيسترلٸگٸنە سٸلتەمە جاساپ.
تجم اۋماقتىق بٶلٸمشەلەرٸ سۋ ايدىنداردا قايعىلى جاعدايلاردىڭ الدىن الۋ ٷشٸن رەيد ٶتكٸزەدٸ. رەيد بارىسىندا بالىق اۋلاۋ كەزٸندەگٸ قاۋٸپسٸزدٸك شارالارىن ساقتاۋ تۋرالى اقپاراتتىق جادىنامالار تاراتىلادى. بۇل تۋرالى قر تجم رەسمي ٶكٸلٸ تالعات ۋەلي حابارلادى.
كٷز-قىس كەزەڭٸنٸڭ باسىنان بەرٸ 4 512 پاترۋل جەنە رەيد ٶتكٸزٸلدٸ, سۋداعى جٷرٸس-تۇرىس قاعيدالارىن ساقتاۋ بويىنشا 15 769 نۇسقاۋلىق جٷرگٸزٸلدٸ.
كٷن سايىن قاۋٸپتٸ سۋ ايدىنداردا, ەسٸرەسە ٶتكەلدەردە, مۇز ٶتپە جولدارىندا, مۇز استىنان بالىق اۋلاۋ ورىندارىندا مۇزدىڭ قالىڭدىعىن باقىلاۋ جۇمىستارى جٷرگٸزٸلەدٸ. ول جەرلەردە 1 095 ەسكەرتۋ بەلگٸسٸ ورناتىلعان.
1 جەلتوقسانداعى جاعداي بويىنشا سۋ ايدىندارىنداعى مۇزدىڭ قالىڭدىعى:
- سولتٷستٸك ٶڭٸردە - 5-8 سم.;
- باتىس ٶڭٸردە - 1-3 سم.;
- ورتالىق ٶڭٸردە - 10-12 سم.;
- شىعىس ٶڭٸردە - 25-30 سم.;
- وڭتٷستٸك ٶڭٸردە - 3-4 سم.
اڭ جەنە بالىق اۋلاۋ ماۋسىمى باستالعاننان بەرٸ (1 قازان - 7 جەلتوقسان ) ەلدٸڭ سۋ ايدىندارىندا 16 ادام, ونىڭ ٸشٸندە 5 بالا قازا تاپتى.
بالىق اۋلاۋ كەزٸندە ەرەجەلەردٸڭ بۇزىلۋىنان 11 ادام قازا تاپتى جەنە ەرەسەك ادامداردىڭ قاراۋىنسىز قالعان 5 بالا ابايسىزدا سۋعا قۇلاپ, سۋعا باتىپ كەتتٸ.
قازا بولعاندار اقمولا (5 ادام), الماتى (3 ادام, ونىڭ ٸشٸندە 2-ەۋٸ بالا), جامبىل (2 بالا), قوستاناي (2 ادام), قىزىلوردا (2 ادام), ماڭعىستاۋ (1 بالا), تٷركٸستان (1 بالا) وبلىستارىنىڭ سۋ ايدىندارىندا تٸركەلدٸ.
