Bir aida (2021 jylǵy sáýirde 2021 jylǵy naýryzǵa) baǵa azyq-túlik jáne azyq-túlik emes taýarlaryna - 1 paiyz, al aqyly qyzmetterge 0,5 paiyz joǵarylady. Bul týraly QR Strategiialyq josparlaý jáne reformalar agenttiginiń Ulttyq statistika biýrosy málim etti, dep habarlady "Ult aqparat".
Vedomstvo málimetinshe, baǵanyń ósýi qyzylshaǵa – 17,1, kartopqa – 12, sábizge – 10,5, kúnbaǵys maiyna – 2,7, qumshekerge – 2,5, taýyqtyń siraǵyna – 2,3, jańa jinalǵan jemisterge – 2, qoi etine – 1,7, et ónimderine – 1,2, jarmalarǵa – 1, shoshqa etine – 0,9, makaron ónimderine, shaiǵa, pasterlengen sútke – 0,8, unǵa – 0,7, siyr etine 0,6 paiyz mólsherinde belgilendi. Mineraldy jáne as sý – 2, salqyndatylǵan sýsyndar – 0,9, alkogoldy sýsyndar 0,7 paiyz qymbattady. Baǵanyń tómendeýi qiiarǵa – 9,6, apelsinderge – 1,5, qyzanaqqa – 1,1, kúrishke 0,6 paiyz tirkeldi.
Baǵa ósimi turmystyq aspaptarǵa – 2, jeke qoldanylatyn taýarlarǵa, shyny jáne qysh buiymdarǵa, qurylys materialdaryna – 0,7, avtomobilderge – 0,6, toqyma buiymdaryna – 0,5, jýǵysh jáne tazalaǵysh quraldarǵa, kiim jáne aiaq kiimge 0,4 paiyzdy qurady. Benzin – 6, al dizel otyny 0,9 paiyzǵa qymbattady.
Baǵa deńgeii monsha qyzmetterine – 1,9, sanatoriiler qyzmetterine – 1,8, mektepke deiingi balalar mekemesiniń qyzmetterine – 1,2, qoǵamdyq tamaqtandyrý qyzmetterine – 1,1, shashtarazdar men sulýlyq salondar qyzmetterine – 0,7, internet jelisi qyzmetterine – 0,6, qonaq úiler qyzmetterine 0,5 paiyz joǵarylady. Jolaýshylardyń temir jol kóligimen jol júrý aqysy – 0,8, áýe kóligimen 0,9 paiyz qymbattady.
Turǵyn úi-kommýnaldyq qyzmetter salasynda tarifter qoqys shyǵarýǵa 1,2 paiyz joǵarylady.
