Qazaqstandyq boksshy Daniiar Eleýsinov (7-0, 3 KO) kásibi deńgeidegi kezekti jekpe-jegin kúzdiń alǵashqy aiynda ótkizedi, dep habarlaidy Sports.kz.
Rio Olimpiadasynyń 28 jastaǵy chempiony kelesi kezdesýin qashan ótkizetini jónindegi jańalyqty onyń menedjeri Ziia Áliev málim etti.
«Daniiar 13 qyrkúiek kúni Niý-Iorktegi Madison Square Garden-niń kishi arenasynda jekpe-jekke shyǵady. Devin Heini men Zaýr Abdýllaevtyń aiqasy keshtiń basty oqiǵasy bolmaq», - dedi Ziia Áliev.
Eske sala keteiik, Daniiar Eleýsinov 27 shildede AQSh-taǵy Tehas shtatyna qarasty Arlington aimaǵynda ornalasqan College Park Center arenasynda ringke shyǵýy kerek bolǵan edi. Alaida, jekpe-jek qazaqstandyq boksshynyń qatty sýyq tigizip alýyna bailanysty ótpei qaldy.
