Kásipqoi boksqa qadam basqan qazaqstandyq boksshy Daniiar Eleýsinov alǵashqy jekpe-jegin 28 sáýir kúni ótkizetin boldy. Bul týraly Astanada ótken baspasóz máslihatynda boksshy kelisimge kelgen Boxing Star LLC menedjerlik kompaniiasynyń ókili Ziia Aliev málim etti, dep habarlaidy Ult.kz tilshisi QazAqparat agenttigine silteme jasap.
«Daniiar Eleýsinov kásipqoi bokstaǵy alǵashqy kezdesýin Niý-Iorkta 28 sáýir kúni ótkizedi. Ol boks keshiniń eń basty kezdesýinde Denieel Djeikobs shyǵýy kerek. Al Daniiardyń ekinshi kezdesýin 2 maýsym kúni Londonda ótkizý josparlanǵan», - dedi Ziia Aliev.
Eleýsinovtiń 28 sáýirde ótetin kezdesýde kimmen shyǵatyny áli belgisiz.
Eske sala ketsek, búgin Rio Olimpiadasynyń chempiony Daniiar Eleýsinovtiń búgin promýteri belgili boldy. Boksshymyzdyń promoýteri britandyq Eddi Hirn. Eddi Hirn sýper aýyr salmaqta WBA Super, IBF jáne IBO nusqasy boiynsha álem chempiony Entoni Djoshýanyń (20-0, 20 KO), jeńil salmaqtaǵy WBA Super jáne IBF chempiony Raian Barnet (18-0, 9 KO), jartylai orta salmaqtaǵy IBF nusqasy boiynsha burynǵy álem chempiony Kel Brýk (37-2, 26 KO) pen orta salmaqtaǵy WBA nusqasy boiynsha burynǵy chempiony Deniel Djeikobstyń (33-2, 29 KO) promoýteri bolyp tabylady.
