Qazaqstandyq kórermender kásipqoi boksshy Daniiar Eleýsinovtiń kelesi jekpe-jegin «Habar» arnasynan tamashalai alady, dep habarlaidy "Ult aqparat".
«Qazaqstan kásipqoi boksy» VKontakte paraqshasynan habarlanǵandai, 13 qyrkúiekte Daniiar Eleýsinov Niý-Iorktegi «Madison Square Garden» arenasynda jeńilip kórmegen amerikalyq Reshard Hikspen (12-0-1, 6KO) judyryq túiistiredi. Jekpe-jekti Nur-Sultan ýaqyty boiynsha 14 qyrkúiek kúni saǵat 06.00-de «Habar» arnasynan kórýge bolady.
Aita ketsek, atalmysh boks keshiniń basty jekpe-jegi – Devin Heini (22-0, 14 KO) men reseilik Zaýr Abdýllaevtyń (11-0, 7 KO) kezdesýi bolmaq.
«Daniiar ózin jaqsy sezinip júr. Sońǵy sparring senbi kúni boldy. Biz daiyndyqty aiaqtadyq. Daniiardy jekpe-jekke Derik Santos, Garri Klark jáne Daniiardyń ákesi Marat aǵa daiyndap jatyr», - deidi boksshynyń menedjeri Ziia Áliev.
