Qazaqstandyq jartylai orta salmaqtaǵy boksshy Daniiar Eleýsinov (3-0? 1 KO) boks jankúierleriniń ne úshin onyń kásibi ringtegi aiqastaryn tamashalaýǵa tiis ekenin túsindirdi, dep habarlaidy Sports.kz.
Aldaǵy demalys kúnderi otandyq boksshy AQSh-ta ekinshi aiqasyn ótkizedi. Bostonda (Massachýsets shtaty) ol jergilikti sportshy Mett Doertimen (8-5-1, 4 KO) kezdesedi. Eleýsinov 24 qarashada Monakoda ringke oralýdy josparlap otyr.
«Bokssúier qaýym maǵan ádemi boks kórsetetinim úshin jankúierlik etýleri tiis dep oilaimyn. Ádemi boks jankúierlerine - marhabat!», - dedi Eleýsinov.
Aita keteiik, 27 jastaǵy Eleýsinovtiń múddesin qorǵaityn Matchroom Boxing promoýterlik kompaniiasy onyń kásibi bokstaǵy besinshi jekpe-jeginiń qashan jáne qaida ótetinin de jariialaǵan bolatyn. Onyń qarsylasy ázirge belgisiz.
Eske salaiyq, Daniiar Eleýsinov biylǵy 4 tamyzda ótken jekpe-jekte vengriialyq Gabor Gorbichti (26-13, 16KO) upai sanymen jeńgen bolatyn. Budan keiin qazaqstandyq boksshynyń BoxRec.com tanymal saityndaǵy reitingi birden 75 satyǵa joǵarylady.
