2016 jylǵy Olimpiada oiyndarynyń chempiony, kásipqoi boksshy Daniiar Eleýsinov pen álemniń eki dúrkin chempiony Nazym Qyzaibai qazaqstandyq boksshylardyń Tokio Olimpiadasyndaǵy sátsiz óneri týraly pikirin bólisti, - dep habarlaidy "Ult aqparat" "Jetinshi arnadaǵy" "Stýdiia 7" baǵdarlamasyna silteme jasap.
Aita keteiik, qazir Olimpiadanyń jarys jolynda tórt boksshymyz qaldy. Buǵan deiin Abylaihan Júsipov, Vasilii Levit, Serik Temirjanov, Bekzad Nurdáýletov pen Nadejda Riabets 1/8 finalda jeńilgen bolatyn.
"Basqa elderde boksshylardyń deńgeii álemdik úrdistermen birge ósip keledi. Al biz Keńes Odaǵy deńgeiinde toqtap qaldyq. Mysaly, bizdiń sportshylar qashyqta qalai judyryqtasý keregin biledi, biraq kóbine qarsylas jaqyndaǵan kezde ne isterin bilmei qalady. Mundai jaǵdaida bizdiń boksshylar qushaqtasyp alady. Bul tehnika emes. Soqqy jasaý úshin tehnikany shyńdaý kerek, sekirmeýdi jáne tepe-teńdikti joǵaltpaýdy úirený mańyzdy. Tózim men jyldamdyq kerek", - dedi Daniiar Eleýsinov.
Biraq ol qalǵan boksshylar medal alady dep úmittenetinin aitty.
"Biz ádette úlken jarystarǵa taýda daiyndalmaimyz. Biraq karantinge bailanysty barlyq sportshy sol jerde jattyqty. Meniń oiymsha, bul da áser etti. Bizdiń boksshylarymyz myqty ekenin bári biledi. Olarmen jekpe-jekke jigerlenedi, qatty daiyndalady, birinshi raýndtan kúshin salady. Al bizde kóbine taktika mynadai: birinshi raýndta kútedi, qarsylasty zertteýge ýaqyt joǵaltady. Saldarynan az soqqy jasaidy. Búkil álem Olimpiadany tamashalap otyr, jáne, árine, eshkim jeńilgisi kelmeidi. Sondyqtan basynan bastap barynsha kúsh salý kerek", - dedi Nazym Qyzaibai.
Posmotret etý pýblikatsiiý v Instagram
Eske salaiyq, búgin 14:15-te (Nur-Sultan ýaqytymen) 75 kelige deiingi salmaqta Ábilhan Amanqul ózbekstandyq boksshy Fanat Kahramonovpen kezdesedi. Al 15.51-de bokstan qurama kapitany Qamshybek Qońqabaev 91 keliden joǵary salmaqta mysyrlyq Esri Mostafa Rezkpen judyryqtasady.
