Qazaqstandyq boksshy Daniiar Eleýsinov amerikalyq Reshard Hikspen jekpe-jektiń aldynda ótken baspasóz máslihatynda málimdeme jasady, dep habarlaidy Sports.kz portaly.
«Niý-Iorkke, Madison Square Garden-ge, promoýterim Eddi Hirnge jáne menedjerlerime «Bokstyń Mekkesinde» judyryqtasý múmkindigi úshin alǵys aitamyn. Men sizderge sheberligim men aqylymdy juma kúni keshkisin kórsetetin bolamyn. Kóriskenshe!» - dedi Eleýsinov.
Eleýsinov-Hiks jekpe-jegi 14 qyrkúiek kúni Niý-Iorkte (AQSh) áigili Madison Square Garden arenasynda ótedi. Al Qazaqstanda «Habar» telearnasynyń tikelei efirinde kórsetiletin bolady. Bastalýy - Nur-Sultan ýaqyty boiynsha 06:00-de.
25 mamyrda ótken buǵan deiingi aiqasynda Eleýsinov alty raýndtyń qorytyndysy boiynsha tóreshilerdiń sheshimimen chililik boksshy Lýis Normabýenany jeńgen edi.
