Elena Rybakina búgin jańartylǵan WTA reitinginde úzdik otyz tennisshiniń qataryna kirdi, – dep habarlaidy QazAqparat.
Reitingte 36-orynnan 30-orynǵa kóterilgen E.Rybakina Qazaqstannyń birinshi raketkasy atandy. Bul – 20 jastaǵy E.Rybakinanyń óz sporttyq jolyndaǵy eń úzdik kórsetkishi.
E.Rybakina endi Hobart (Aýstraliia, júlde qory 275 myń AQSh dollary) týrnirinde oinaidy. Onyń qarsylasy – álemniń 69-raketkasy, sloveniialyq Tamara Zidanshek.
Qazaqstannyń burynǵy birinshi raketkasy Iýliia Pýtintseva reitingte 32-orynnan 37-ge syrǵydy. Ol Adelaida (Aýstraliia, júlde qory – 848 myń AQSh dollary) týrniriniń irikteý saiystarynan sátti ótkenimen, búgin alǵashqy ainalymda álemniń 52-raketkasy, aýstraliialyq Aila Tomlianovichten 6:7 (4:7), 2:6 esebimen jeńilip qaldy. Taǵy bir qazaqstandyq Zarina Diias reitingte 75-ten 73-satyǵa kóterildi.
Eske sala keteiik, budan buryn A.Býbliktiń Aýstraliiadaǵy týrnirdi sátti bastaǵanyn jazǵan bolatynbyz.
