Qazaqstannyń birinshi, álemniń 23-raketkasy Elena Rybakina Ýimbldon týrniriniń úshinshi ainalymyna shyqty, dep habarlaidy QazAqparat.
Qazaqstandyq tennisshi ekinshi ainalymda álemniń 56-raketkasy, 2019 jylǵy US Open chempiony, kanadalyq Bianka Andreeskýmen kezdesti.
Rybakina birinshi partiiada 6:4 esebimen basym tústi.
Ekinshi sette tai-breikte matchbolyn sátti paidalana bildi – 7:6 (7:5).
Saǵat jarymnan astam ýaqytqa sozylǵan básekede Elena 4 eispen birge 4 breik-pointtyń úsheýin múlt jibermedi.
Rybakina tórtinshi ainalymǵa shyǵý úshin álemniń 52-raketkasy, qytailyq Sinven Jenmen talasqa túspek. Ol belgiialyq Grete Minnendi joldan taidyrdy – 6:4, 6:1.
