Qazaqstannyń birinshi, álemniń 25-raketkasy Elena Rybakina Tsintsinnati (AQSh) WTA 1000 týrniriniń jartylai finalyna shyǵa almady, dep habarlaidy QazAqparat.
Qazaqstandyq tennisshi shirek finalda dúniejúzilik reitingte 24-orynda turǵan amerikalyq Medison Kizben sheberlik baiqasty.
Qarsylastar buǵan deiin biyl mamyrda Rolan Garros jarysynda jolyǵysyp, amerikalyq sportshy jeńiske jetken edi.
Tsintsinnatide M.Kiz áýeli Iýliia Pýtintsevany joldan taidyryp, úshinshi ainalymda álemniń 1-raketkasy, Polsha ókili Iga Sventektiń saǵyn syndyrǵan edi.
M.Kiz bul kezdesýde birinshi partiiada qos breikpen basymdylyq kórsetti – 6:2. Ol ekinshi sette de 5:2 esebimen alǵa ketti. Budan keiin E.Rybakina breik jasap, esepti qysqartty. Biraq Medison ekinshi ret matchqa dop bergende, óz múmkindigin jibergen joq – 6:4.
Saǵat jarymǵa sozylǵan báseke barysynda M.Kiz 2 eis jasap, 13 breik-pointtyń beseýin paidalandy. E.Rybakina ádette kóp eis jasaityn edi. Bul matchta bir-aq eispen shektelip, 5 breik-pointtyń ekeýin óz esebine jazdy.
M.Kiz finalǵa shyǵý úshin chehiialyq Petra Kvitova nemese aýstraliialyq Aila Tomlianovichtiń bireýimen talasady.
Jalpy, Elena Rybakina úshin Tsintsinnati dodasy sátsiz bolǵan joq. Alǵash ret shirek finalǵa deiin jetti. Endigi maqsat – AQSh ashyq chempionatynda tabysty óner kórsetý.
