Qazaqstannyń birinshi, álemniń 18-raketkasy Elena Rybakina Madrid WTA 1000 týrnirin jeńispen bastady, dep habarlaidy QazAqparat.
Júlde qory 6,5 mln eýrodan asatyn iri jarystyń 16-raketkasy bolyp tirkelgen qazaqstandyq tennisshi alǵashqy ainalymda dúniejúzilik reitingte 93-orynda turǵan frantsiialyq Osean Dodenmen sheberlik baiqasty.
Birinshi partiiada Elena eki breik jasap, aiqyn basymdylyq kórsetti - 6:2.
Tartysty órbigen ekinshi set te Rybakinanyń paidasyna sheshildi - 7:5.
Bir saǵat 20 minýtqa sozylǵan matchta qazaqstandyq tennisshi 12 eis jasap, 7 breik-pointttyń beseýin óz esebine jazdy. Frantsiialyq sportshy 4 eis, 2 breikpen shekteldi.
Rybakina úshinshi ainalymǵa shyǵý úshin álemniń 51-raketkasy, chehiialyq Katerina Siniakova nemese reitingte 66-satydaǵy horvatiialyq Ana Koniýhtyń bireýimen talasady.
