Foto: QTF
Qazaqstannyń birinshi raketkasy Elena Rybakina AQSh-taǵy Indian-Ýellste ótken ATP Masters 1000 sanatyndaǵy týrnirdiń jeńimpaz atandy, - dep habarlaidy "Ult aqparat".
Otandasymyz finalda belarýs sportshysy, álemniń 2-raketkasy Arina Sobolenkodan ailasyn asyryp, Australian Open-2023 ashyq chempionatynyń aqtyq básekesinde ketken esesin qaitardy.
Bul kezdesý bir saǵat 20 minýtqa sozylyp, tartysty órbigen birinshi partiiada Rybakina tai-breikte jeńisti julyp aldy – 7:6 (13:11). Ol ekinshi sette de esesin jibermedi – 6:4.
Eki saǵattan astam ýaqytqa sozylǵan báseke barysynda Elena 7 eis jasap, 10 breik-pointtyń úsheýin paidalandy.
Osylaisha Rybakina óz sporttyq jolynda alǵash ret álemdik reitingide jetinshi orynǵa kóterildi. Týrnirge deiin Elena 10-ornynda bolǵan.
7-oryn – 23 jastaǵy qazaqstandyq tennisshiniń kásibi mansabyndaǵy joǵary nátije. Ol barlyǵy 3720 upaiǵa ie.
WTA reitinginiń kóshbasshysy – polshalyq tennisshi Iga Shviontek (9975 upai). Odan keiingi pozitsiiada Arina Sobolenko (6740 upai), Djessika Pegýla (5605 upai), Karolin Garsiia (4990 upai), Ons Jaber (4976 upai) jáne Kori Gaýff (4401 upai) tur.
Aita keteri, bul titýl - Rybakinanyń osy jylǵy alǵashqy júldesi.
