Foto: ashyq derekkóz
Qazaqstannyń birinshi, álemniń 4-raketkasy Elena Rybakina óziniń bapkeri bolǵan horvatiialyq maman Stefano Výkovpen nelikten bailanysyn úzgeni týraly aitty.
AQSh ashyq chempionatynda aýstraliialyq Destani Aiavany jeńgennen keiin baspasóz máslihatynda qazaqstandyq tennisshi jýrnalister suraǵyna jaýap berdi.
«Árine, qazir bári basqasha. Biz onymen (Stefano Výkovpen) birge 5 jyl jumys istedik. Bul joly meni Iýrii Shýkin qoldady. Biz taktika, bárin talqylap, matchqa daiyn boldyq. US Open aldyndaǵy mańyzdy sheshim deisiz be? Men bul týraly kóp aitqym kelmeidi. Qosh aitysý týraly bul – bizdiń sheshimimiz. Meniń bapkerime bailanysty jaǵdai ózgeretin bolsa, habar beremin», - dedi Rybakina.
Elenany qazirgi kezde ýaqytsha qazaqstandyq maman Iýrii Shýkin jattyqtyrýda. Ol D.Aiavamen oiyn kezinde minbede otyrdy.
Rybakina ekinshi ainalymda álemniń 143-raketkasy, 27 jastaǵy frantsiialyq Djessika Ponshemen kezdesedi.
Biylǵy AQSh chempionaty tennis tarihyndaǵy júlde qory eń qomaqty jarys bolmaq. Oiynshylar 75 mln AQSh dollary kóleminde tabys tabady, bul ótken jylǵydan 15 paiyzǵa kóp.
2023 jyly munda áielder arasynda amerikalyq Kori Gaýff úzdik shyqqan edi.
