Elektrondy úkimet qurý ideiasy Elbasyna tiesili, alǵash ret 2004 jyly aitylǵan bolatyn. Osy ýaqyt ishinde elektrondy úkimetimiz qalyptasýy men damýynyń irgeli tórt kezeńinen ótti. Atap aitqanda: aqparattyq kezeń, interaktivti kezeń, tranzaktsiialy kezeń jáne túrlendirmeli kezeń.
Osyndai kezeńderdi bastan ótkerip, qalyptasa bastaǵan «elektrondy úkimettiń bir kórinisi, jýyrda shetelde Qazaqstan Syrtqy ister ministrligi «Konsýl-Kómek» Telegram-botyn iske qosty, - dep habarlaidy «Ult aqparat».
Atalǵan Telegram-bottyń negizgi maqsaty – shet elderdegi elshilikterimiz ben konsýldyq mekemelerimizdiń memlekettik qyzmetterdi kórsetý boiynsha aqparatty tiimdi formatta usyný jáne túsindirý bolyp tabylady. Bul týraly atalǵan ministrlik bylai túsindirdi:
«Eger azamatymyz Qazaqstan Respýblikasynyń shet eldegi ókildigi arqyly balanyń týý týraly kýáligin qalai alýdy, nekeni tirkeýdi nemese pasport resimdeýdiń tártibin bilmese, onda osy bot arqyly memlekettik qyzmetti alý úshin qajetti qujattardyń tizbesi men merzimderi jóninde tiisti aqparatty alýyna bolady. Sondai-aq, bot qyzmetterdi alý úshin Qazaqstannyń shet elderdegi ókildikterine barýǵa aldyn ala tapsyrys berýge múmkindik beredi», - dep túsindirdi Qazaqstan Syrtqy ister ministrliginiń baspasóz qyzmeti.
Al tapsyrys berý úshin eń jaqyn konsýldyq mekeme ornalasqan memleket pen qalany tańdap, bailanys málimetterin jazyp alyp, kúni men ýaqytyn tańdaý qajet. Sodan keiin, atalǵan mekemeniń konsýldyq qyzmetkeri azamatymyzǵa habarlama arqyly bron nemese ótinimin rastaidy nemese basqa bos ýaqytty usynady. Belgili bolǵanyndai, atalǵan bot konsýldardyń azamattarmen ózara is-qimyl jasaý sapasyn jaqsartýǵa jáne kórsetiletin qyzmetter boiynsha olardyń habardar bolýyna múmkindik beredi.
Sonymen qatar, osyǵan uqsas jaqsy jańalyqtyń biri – Túrkistan oblysynda múgedektigi bar jandarǵa arnalǵan portal tiimdiligin kórsetti.
Esterińizde bolsa, ótken jyly pilottyq rejimde memlekettik qyzmetterdiń sapasy men qoljetimdiligin arttyrý maqsatynda múgedektigi bar azamattardyń áleýmettik qyzmetterdi paidalanýǵa arnalǵan aleumet.egov.kz portaly iske qosylǵan bolatyn.
Túrkistan oblysy ákiminiń baspasóz qyzmetiniń málimetinshe, búginde tehnikalyq ońaltý quraldarynyń 24 túrine jáne memlekettik mekemelerde arnaiy áleýmettik qyzmetterge tapsyrys berýge arnalǵan bul júie óz tiimdiligin kórsetip otyr.
QR Eńbek jáne halyqty áleýmettik qorǵaý ministri Serik Jambylulynyń tapsyrmasymen, jańa portaldy nasihattaý, jumystaryn tanystyrý maqsatynda Túrkistan qalasynda, Tóle bi, Keles, Túlkibas aýdandarynyń turǵyndarymen kezdesý uiymdastyrylyp, portaldyń jumys barysy qadaǵalandy. Bul týraly QR Eńbek jáne halyqty áleýmettik qorǵaý ministriniń keńesshisi Aijani Nurlanova baiandap berdi.
«Buryn memlekettik satyp alý arqyly tehnikalyq qural-jabdyqtarmen qamtý kezinde azamat 8 aiǵa deiin kútýi kerek bolsa, endi portalǵa tapsyrys berýden bastap úige jetkizýge deiingi ýaqyt 15 kúnge deiin qysqardy. Eń bastysy, múgedektigi bar azamattar taýarlar men qyzmetterdiń qajetti túrin óz betinshe tańdai alady. Biz aýdandardy aralaý barysynda portalmen jumys isteý barysy tekserildi. Aimaqtarda anyqtalǵan máseleler der kezinde sheshimin tapty. Sondai-aq, turǵyndar QR Eńbek jáne halyqty áleýmettik qorǵaý vitse-ministri Erbol Ospanovqa tolǵandyrǵan saýaldaryn tikelei uialy bailanys arqyly qoiyp, jaýaptaryn aldy. Múgedektigi bar azamattar portal paida bolǵaly qajetti zattarynyń sapasy artqandyǵyn aitty. Qoldaýǵa muqtaj azamattardyń qajettiligin qamtamasyz etý, taýar men qyzmettiń sapasy – ministrdiń tikelei baqylaýynda»,- dedi ministr keńesshisi.
Aita keteiik, atalǵan júieniń maqsaty – múgedektigi bar jandardyń jetkizýshilermen tikelei deldalsyz bailanysty qamtamasyz etý. Portalda qyzmetterdi alý úshin elektrondyq tsifrlyq qoltańba (ETsQ) bolýy kerek. Portaldyń basty artyqshylyǵy - paidalanýshylardyń qajettilikterin eskere otyryp, ońaltý tehnikalyq quraldaryn tańdaý múmkindigi. Sondai-aq, múgedektigi bar azamattardyń qajetti zattaryna tez arada qol jetkize alady. Al búgingi tańda portaldaǵy tizilimde 64 qyzmet túri bar. Atap aitqanda, 14-i ymdaý tili mamany, 18 jeke kómekshiniń qyzmetin kórsetý, 14 ońaltý tehnikalyq quraldary jáne 18 uiym sanatorii-kýrorttyq emdeý qyzmetin qamtamasyz etýge arnalǵan. Sonymen qatar, 9 ymdaý tili mamany jáne 85 jeke kómekshi portalda jeke tulǵa retinde tirkelgen.
Esterińizge sala keteiik, Qazaqstan Syrtqy ister ministrligi shet elderdegi elshilikterimiz ben konsýldyq mekemelerimizdiń memlekettik qyzmetterdi kórsetý boiynsha aqparatty tiimdi formatta usyný jáne túsindirý maqsatynda «Konsýl-Kómek» Telegram-botyn iske qosty. Sonymen qatar, ótken jyly pilottyq rejimde ńske qosylǵan memlekettik qyzmetterdiń sapasy men qoljetimdiligin arttyrý maqsatynda múgedektigi bar azamattardyń áleýmettik qyzmetterdi paidalanýǵa arnalǵan aleumet.egov.kz portaly da oń nátije kórsetip otyrǵanyn atap ótkenimiz jón.
