Elektrondy eńbek birjasynda frilanserlerge arnalǵan platforma qurylady. Bul týraly «Eńbek resýrstaryn damytý ortalyǵy» AQ prezidenti Dáýlet Arǵyndyqov Ortalyq kommýnikatsiialar qyzmetinde ótken brifingide aitty, dep habarlaidy "Ult aqparat".
«2021 jylǵy 1 naýryzdan bastap Elektrondy eńbek birjasy jańartylǵan formatta jumys isteidi. Portaldyń dizainy men navigatsiiasy jetildirilip, bos jumys oryndary men túiindemelerdi izdeý keńeitildi. 1 shildede Eýraziialyq ekonomikalyq odaq elderinde «Shekarasyz jumys» birizdendirilgen izdeý júiesi paidalanýǵa engizildi. Bul halyqaralyq izdeý júiesi EAEO-nyń barlyq elderindegi bos jumys oryndary men jumys izdeýshiler týraly aqparat alýǵa múkindik beredi. Qazaqstannyń elektrondyq eńbek birjasynan basqa platformaǵa Armeniia, Belarýs, Qyrǵyzstan jáne Reseidiń jumyspen qamtý jáne jumysqa ornalastyrý salasyndaǵy aqparattyq júieleri qosylǵan», – dedi Dáýlet Arǵyndyqov.
Kompaniia basshysynyń aitýynsha, Elektrondy eńbek birjasynyń bazasynda keleshekte birneshe servisti biriktiretin biryńǵai tsifrlyq platformalar jasalmaq.
«Birjany odan ári damytý tujyrymdamasy onyń negizinde birqatar servisterdi biriktiretin biryńǵai tsifrlyq platforma – skills.enbek.kz biryńǵai bilim berý portalyn, business.enbek.kz kásipkerlik bastamalardyń biryńǵai terezesin, qashyqtan jumys isteitin mamandarǵa (frilanserlerge) arnalǵan platforma qurýdy kózdeidi. 2021 jyldyń shilde aiynda skills.enbek.kz onlain oqytý alańy iske qosyldy.
«Eńbek Biznes» kishi júiesin iske qosý josparlanýda, ol protsesti avtomattandyrýǵa jáne azamattardan memlekettik qoldaý sharalaryn alýǵa – «Bastaý Biznes» jobasy boiynsha kásipkerlik negizderine oqytýǵa, jańa biznes-ideialardy iske asyrýǵa mikrokreditter nemese memlekettik granttar alýǵa onlain ótinimderdi qabyldaýǵa arnalǵan», – dedi Dáýlet Arǵyndyqov.
