Energetika ministrligi elektrondy aýktsiondardy ótkizýge qatysty Senat depýtattary joldaǵan saýal-hatqa jaýap berdi, dep habarlaidy "Ult aqparat".
Vedomstvonyń jaýabyna sáikes Energetika ministrliginiń saiasaty aýktsionǵa qatysýshylar úshin aqparatty barynsha qoljetimdi ári ashyq etýge baǵyttalǵan.
«Birinshiden, 1 qyrkúiekten bastap kómirsýtek ken oryndarynyń aýmaǵyn paidalaný quqyǵyn elektrondy túrde (onlain) berýge qatysty elektrondy aýktsiondar júiesi iske qosyldy. Koronavirýstyń taraý qaýpi men sharalardy ótkizýge shekteý jaǵdaiynda – bul jańashyldyqtyń mańyzy zor. Ekinshiden memleket belgilegen ken oryndarynyń 82 ýchaskesiniń bári de elektrondy aýktsion portalyna – Qazaqstannyń interaktivti kartasyna (traderesources.gosreestr.kz) ornalastyrylǵan», - dep habarlaidy vedomstvodan.
Ministrliktiń baspasóz qyzmeti qazir ol karta kez kelgen qoldanýshy, aýktsionǵa qatysýshy úshin qoljetimdi ári ashyq ekenin habarlaidy.
«Ár ýchaskeniń statýsy kórinip tur. Máselen onyń aýktsionǵa qoiylǵany nemese qoiylmaǵany belgilengen. Saýda júiesiniń kez kelgen qoldanýshysy bul aqparatpen tanysa alady», - dep túsindiredi vedomstvodan.
Energetika ministrligi sonymen qatar aýktsiondardyń elektrondy júiesi týraly aqparat Qazaqstannyń tanymal búkil BAQ-tarynda, Reseidiń, Ýkraina, Ázerbaijannyń aqparattyq resýrstarynda jariialanǵanyn habarlaidy. Sol sebepti naryqtyń kásibi qatysýshylary budan burynnan habardar. Sonymen qatar saýda alańynyń ózinde júiede qalai jumys isteý kerektigi, ótinimdi toltyrý tártibi videonusqaý retinde jariialanǵan.
Úshinshiden ýchaske júiege qatysýshylardyń biri elektrondy ótinim qaldyrǵannan keiin aýktsionǵa qoiylady. Iaǵni munda aiqyndaýshy faktor – Energetika ministrliginiń ustanymy emes, aýktsionǵa qatysýshylardyń belsendiligi bolyp otyr. Ministrlik konkýrstyq usynystardyń jasandy defitsitin qurýǵa múddeli emes.
Búginge deiin saýda júiesine 16 ýchaske boiynsha aýktsion ótkizýge ótinim kelip túsken. Qazir ony ótkizýdiń barlyq qajetti sharasy, mehanizmi qolǵa alynyp, naqty merzimder pysyqtalýda.
«Karantin men áýe qatynastary shektelip turǵan ýaqytta sheteldik investorlar úshin de mundai elektrondy aýktsionǵa qatysý yńǵaily bolyp tur. Zańnama men qalyptasqan tájiribege sáikes Qazaqstan Respýblikasynyń rezidentteri sanalmaityndar da senimdi tulǵalar arqyly elektrondy tsifrly qoltańba alyp, sol arqyly onlain aýktsionǵa qatysa alady. Iaǵni shetel azamattary osy úshin Qazaqstanǵa ushyp kelip, meiramhanaǵa ornalasyp, aýktsion zaldaryna kelip áýrelenbeidi. Osylaisha tsifrly saýda alańy investitsiia tartý múmkindikteriniń sheńberin keńeitýde», - dep habarlaidy baspasóz qyzmetinen.
Ministrlik aýktsionǵa qatysý jarnasyn onlain tóleýge bolatynyn, al odan túsken qarajat eldiń biýdjetine túsetinin eskertedi.
Elektrondy aýktsiondardyń operatory – «IÝTs» AQ tolyǵymen memlekettik uiym. Ol Úkimettiń 2011 jyldyń 1 naýryzyndaǵy qaýlysymen memlekettik múlikti tirkeý salasyndaǵy biryńǵai operator sanalady.
Aita ketsek budan buryn Senat depýtattary Úkimet basshysyna depýtattyq saýal joldap, elektrondy aýktsiondardy ótkizýde qoǵam ókilderin tartyp, bul salany erekshe nazarǵa alý kerektigin jetkizgen edi.
