Energetika salasynyń sarapshysy Jaqyp Hairýshevelektr qýaty tarifiniń kóterilýine ne sebep bolǵanyn aitty, dep habarlaidy QazAqparat.
Aita keteiik, Energetika ministrligi elektr energiiasyna arnalǵan tarifterdi kóterý týraly buiryǵynyń jobasyn jariialady. Qujat naýryzdyń 25-ine deiin talqylaýǵa shyǵaryp otyr. Osyǵan orai energetika jónindegi sarapshy atalǵan buiryqqa qatysty túsindirme berdi.
«Tarifti birtindep kóterip, merzimin belgilep, ádil ádisteme ázirleý kerek. Mysaly, AQSh-taǵy sońǵy jaǵdai: elektr qýatyn óshirgen kezde, kóptegen adamdar JEK-ty kinálady, bul jerde shyndyq bar, alaida tolyq emes. Baǵasy tutynýǵa bailanysty. Shekteýlerge deiin olar bir baǵany tóledi, shekteýlerden keiin tarifter ózgerdi. Tapshylyq bolǵanda – baǵa kóterildi. Osyndai júiege aýysyp, sol boiynsha jumys jasaýdyń qajeti joq, óz ádistememizdi ázirleý kerek. Sebebi Retteýshi tarifti ózine yńǵaily bolatyndai jasai almaidy. Jabdyqty paidalanýdy energetikter de júzege asyrady jáne olardyń 80 paiyzǵa tozýy bir kúnde paida bolmaǵanyn, ol jyldar boiy qalyptasqanyn jaqsy biledi», - dedi sarapshy.
Onyń atap ótýinshe, tarifterdiń kóterilýinen energiia únemdeý bolady.
«Azyq-túlik baǵasy ósken kezde, onyń ózindik quny ósedi. Al, elektr energiiasy týraly aitatyn bolsaq, olar da tiimdi tabysqa jetýdi qalaidy. Tarifterdiń kóterilýine bailanysty energiia únemdeý kompaniiasy júretinin túsiný mańyzdy. Adamdar jaryq pen jylýdy únemdeýdi úirenedi, óitkeni onyń baǵasy arzan bolmaidy. Óńirlerde 5-7 jyl ishinde qajetti jabdyqty qalpyna keltirý úshin jaryqtyń baǵasyn kem degende 2-3 teńgege kóterý kerek», - dedi Jaqyp Hairýshev.
Sonymen qatar ol atom elektr stansasyna qatysty pikir bildirdi.
«AES jáne jańartylatyn energiia kózderi (JEK) ainalasynda da kóptegen másele kóterilýde. Kóptegen adamdar AES pen JEK eldegi energiia tapshylyǵy máselesin sheshedi dep sanaidy. JEK erekshe tásildi qajet etedi, jalpy osy baǵytta kóp jumys júrgizilýde. Qazirgi jylyna 3-5% kórsetkishteri de jaman emes. AES salý da aýqymdy investitsiiany salýdy talap etse de, energetika salasyndaǵy problemalardy tiimdi sheshetin bolady. Búgingi 21 ǵasyrda barlyq tehnologiialar bar, mysalǵa Belarýsti alatyn bolsaq, bul shaǵyn el jáne tutyný kólemi óte tómen. Bizde jarylys fobiiasy bar, osynymen jumys jasaý qajet, halyqqa AES-ten qorqýdyń qajeti joq ekenin habarlaý kerek», - dedi sarapshy.
