Dziýdodan Qazaqstan ulttyq quramasynyń múshesi Eldos Jumaqanov pen Galbadrah Otgontsetseg sporttyq mansabyn aiaqtady. Bul týraly Oralda ótip jatqan el chempionatynda belgili boldy, - dep habarlaidy Olympic.kz.
Eldos Jumaqanov uzaq jyldar boiy Qazaqstan komandasynyń namysyn abyroimen qorǵady.
66 keli salmaqta synǵa túsken ol sportqa bes jasynda qadam basqan. Osy jyldar aralyǵynda Eldos Jumaqanov áskeriler arasyndaǵy álem chempiony, Gran-pri týrniriniń jeńimpazy (2013), atalǵan týrnirdiń kúmis jáne qola júldegeri (2016, 2019) atandy.
Masters týrniri (2017) men Eýropa kýboginiń (2015) kúmis júldegeri. Sondai-aq, Eldostyń júlde qorjynynda Aziia birinshiliginiń tórt medali bar. Ol 2015 jyly El-Kýveitte, 2016 jyly Tashkentte ótken qurlyq dodasynda qola júldege qol jetkizse, 2017 jyly Gonkong jáne 2019 jyly Fýdjeirada ótken Aziia chempionatynda kúmis medal taqqan.
Sonymen qatar, Eldos Jumaqanov 2018 jyly Djakartada (Indoneziia) ótken Aziia oiyndarynyń qola júldegeri atanǵan.
«Búgin kásibi sportshy retinde sporttaǵy mansabymdy aiaqtap otyrmyn. Árine, mundai sheshimdi qabyldaý men úshin ońaiǵa soqqan joq. Dziýdoshy retinde ulttyq qurama sapynda 12 jyl ter tóktim. Osy jyldar aralyǵynda jeńis pen jeńilis, qiyndyq pen qýanysh qatar júrdi.
Sportshy retinde árdaiym Qazaqstan Ulttyq Olimpiadalyq komiteti men Qazaqstan dziýdo federatsiiasynyń qoldaýyn qashan da sezindik. Sportqa alǵash aiaq basqannan bizdi balasyndai kórgen bapkerlerime, birinshi jattyqtyrýshyma, jeke jattyqtyrýshyma, ulttyq quramanyń bapkerler quramy, oqý-jattyǵý jiyndary men jarystarǵa qatysýymyzdy qamtamasyz etken komandadaǵy árbir mamanǵa erekshe alǵysymdy bildiremin.
Ózderińiz biletindei, dziýdo – tek qana sport túri emes, ol tunǵan filosofiia. Tatami bizdi talai jaqsylarmen tabystyrdy. Dos taptyq, qarsylastarymyz arqyly kúsheie tústik. Sportshy retinde ábden shyńdaldyq. Endi shyńdalǵan tájiribemizdi qoldanatyn, el sportynyń jandanýy jolynda maman retinde qyzmetke kirisetin kez keldi dep oilaimyn.
Dziýdo áleminen túbegeili bas tartý múmkin emes. Búgin dziýdoshy retinde sport mansabymdy aiaqtaǵanymmen Qazaqstan sportyna qyzmet etýimdi ári qarai jalǵastyramyn», - dedi Eldos.
Galbadrah Otgontsetsegtiń sporttyq ǵumyryndaǵy eń iri jeńis – 2016 jylǵy Rio Olimpiadasynyń qola júldesi. 48 kelide el namysyn qorǵaǵan Galbadrah eki márte (2017, 2018) álem chempionatynyń qola júldegeri atanǵan.
Sondai-aq, Aziia oiyndary (2018) men Ýniversiadada (2017) úzdik úshtikke enip, 2018 jyly Tashkentte ótken Aziia chempionatynda top jarǵan.
