Qazaqstan Ulttyq Olimpiadalyq komitetiniń resmi saitynda «Shilde aiynyń úzdik sportshysyna» daýys berý aiaqtaldy, dep habarlaidy "Ult aqparat" olympic.kz-ke silteme jasap.
Daýys berý nátijesi boiynsha dziýdoshy Eldos Smetov top jardy. Shilde aiynyń úzdigi atanýǵa bes sportshy úmitker boldy. Olar: Dmitrii Balandin (júzý), Eldos Smetov (dziýdo), Andrei Aktaýov (karate), Rýslan Japarov (taekvondo) jáne Otgontsetseg Galbadrah (dziýdo). Sportshylarǵa daýys berý búgin saǵat 13.00-de toqtatyldy. Nátijesinde, Býdapeshttegi Gran-pri týrnirinde jeńimpaz atanǵan Eldos Smetov úzdik dep tanyldy. Ol 48,40 paiyz daýys jinaǵan. Ekinshi orynda Andrei Aktaýov (29,56), úshinshi orynda Dmitrii Balandin (10,37). Olympic.kz komandasy álemdik arenada el namysyn abyroimen qorǵap júrgen sportshylardy shyn júrekten quttyqtap, Olimpiada qarsańyndaǵy maýsymda sáttilik tileidi.
