قازاقستان ۇلتتىق وليمپيادالىق كوميتەتٸنٸڭ رەسمي سايتىندا «شٸلدە ايىنىڭ ٷزدٸك سپورتشىسىنا» داۋىس بەرۋ اياقتالدى, دەپ حابارلايدى "ۇلت اقپارات" olympic.kz-كە سٸلتەمە جاساپ.
داۋىس بەرۋ نەتيجەسٸ بويىنشا دزيۋدوشى ەلدوس سمەتوۆ توپ جاردى. شٸلدە ايىنىڭ ٷزدٸگٸ اتانۋعا بەس سپورتشى ٷمٸتكەر بولدى. ولار: دميتريي بالاندين (جٷزۋ), ەلدوس سمەتوۆ (دزيۋدو), اندرەي اكتاۋوۆ (كاراتە), رۋسلان جاپاروۆ (تاەكۆوندو) جەنە وتگونتسەتسەگ گالبادراح (دزيۋدو). سپورتشىلارعا داۋىس بەرۋ بٷگٸن ساعات 13.00-دە توقتاتىلدى. نەتيجەسٸندە, بۋداپەشتتەگٸ گران-پري تۋرنيرٸندە جەڭٸمپاز اتانعان ەلدوس سمەتوۆ ٷزدٸك دەپ تانىلدى. ول 48,40 پايىز داۋىس جيناعان. ەكٸنشٸ ورىندا اندرەي اكتاۋوۆ (29,56), ٷشٸنشٸ ورىندا دميتريي بالاندين (10,37). Olympic.kz كومانداسى ەلەمدٸك ارەنادا ەل نامىسىن ابىرويمەن قورعاپ جٷرگەن سپورتشىلاردى شىن جٷرەكتەن قۇتتىقتاپ, وليمپيادا قارساڭىنداعى ماۋسىمدا سەتتٸلٸك تٸلەيدٸ.
