Ǵylymi normalar boiynsha eldiń mal azyǵy óndirisin tuqymmen tolyq qamtamasyz etý úshin shamamen 300 myń tonna tuqym qajet.
Bul týraly Úkimet otyrysynda QR Aýyl sharýashylyǵy ministriniń mindetin atqarýshy Erbol Qarashókeev málim etti, dep habarlaidy QazAqparat.
«Qazirgi ýaqytta elimizde azyqtyq daqyldar boiynsha tuqym sharýashylyǵynyń 59 sýbektisi bar. Alaida, olardyń tuqym óndirý múmkindikteri tolyq paidalanylmaidy. Ótken jyly aýyl sharýashylyǵy taýaryn óndirýshiler 1 myń tonnadan astam azyqtyq daqyldardyń tuqymyn satyp aldy, degenmen ǵylymi normalar boiynsha eldiń azyq óndirisin tuqymmen tolyq qamtamasyz etý úshin shamamen 300 myń tonna tuqym qajet. Biz eginshilikti ártaraptandyrý, ǵylymi negizdelgen aýyspaly egisti saqtaý protsesi azyqtyq daqyldardyń tuqymyna turaqty suranys týǵyzýy tiis dep josparlap otyrmyz», - dedi Qarashókeev.
Sonymen qatar ol paidalanylatyn jaiylymdyq jerlerdiń ónimdiligin arttyrý jáne olardyń shekaralaryn keńeitý málesine toqtaldy. Jaiylym ainalymyn saqtaý árbir jer paidalanýshynyń tikelei mindeti bolyp sanalady. Bul jerde másele tiisti ádistemeniń joqtyǵynan baqylaý mehanizmine kelip tireledi. Bul qajetti qoldanbaly ǵylymi zertteýler júrgizýdi qajet etedi.
«Paidalanylatyn jaiylymdardyń shekaralaryn keńeitý máselelerine keletin bolsaq, munda negizgi problema - olardy sýlandyrý bolyp otyr. Jaiylymdar týraly aitqanda, olardyń jeke qosalqy sharýashylyqtardy malmen qamtamasyz etý problemasyn ainalyp ótý múmkin emes. Bul problemany sheshýdiń qoldanystaǵy tetikteri bólingen jerlerdiń ne shyǵyny joǵary, ne eldi mekenderden alys ornalasýyna bailanysty qolaisyz ekenin túsiný kerek. Búgingi tańda bul – máseleni sheshýge kedergi keltirip otyrǵan negizgi faktor.
Osy jaǵdaidan shyǵýdyń bir nusqasyn biz jeke qosalqy sharýashylyqtar kooperatsiiasynda kórip otyrmyz. Bul jumysty Úkimettiń Jambyl oblysynyń tájiribesin keńeitý jónindegi tapsyrmalaryn oryndaý aiasynda jáne elimizdiń basqa óńirlerindegi kooperatsiia boiynsha qolda bar oń mysaldardy negizge ala otyryp júrgizetin bolamyz», - dedi Erbol Qarashókeev .
