Qazgidromet 14-16 mamyrǵa arnalǵan aýa raiy boljamyn usyndy, - dep habarlaidy "Ult aqparat".
Sinoptikterdiń málimetinshe, Qazaqstannyń soltústik, batys, shyǵys oblystary tsiklonnyń jáne onymen bailanysty atmosferalyq frontaldy ýchaskelerdiń yqpalynda bolady.
"Batys tsiklonynyń ekpinimen jáne atmosferalyq frontaldy bólikterdiń ótýimen respýblika aýmaǵynyń basym bóliginde aldaǵy úsh kúnde jaýyn-shashyn bolady. Soltústik-batysta, ońtústikte, ońtústik-shyǵysta, soltústikte jáne ortalyqta jańbyr jaýady. Kei óńirlerde qatty jańbyrdyń arty burshaqqa ulasyp, jel kúsheiedi. Soǵan qaramastan, kúndiz aýa raiy jyly bolady", - delingen habarlamada.
