Eldi mekenderde sýmen jabdyqtaý men rekonstrýktsiialaý jónindegi biryńǵai operator qurý kerek. Bul týraly Májilistegi parlamenttik tyńdaýda Indýstriia jáne infraqurylymdyq damý ministri Qaiyrbek Óskenbaev aitty, dep habarlaidy QazAqparat.
«Ulttyq statistika biýrosynyń dereginshe, aýyldyq eldi mekenderdegi sý qubyry jelileriniń jalpy uzyndyǵy 43,9 myń shaqyrymdy quraidy. Onyń ishinde 6,3 myń shaqyrymy aýystyrýdy talap etedi. Respýblika boiynsha jumys istep turǵan sýmen jabdyqtaý júieleri 40-50 jyl buryn salynǵan. Onda tehnologiialyq júielerdiń tozýy, tehnikalyq jaǵdaiynyń nasharlyǵy, sondai-aq jii bolyp turatyn apattar men tazartý qurylystarynyń tiimsiz jumysy baiqalyp otyr», - dedi Óskenbaev.
Ministr jelilerdiń tozý sebepteri retinde mamandandyrylǵan kásiporyndardyń bolmaýyn, jumys istep turǵan kommýnaldyq kásiporyndardyń materialdyq-tehnikalyq bazasynyń álsizdigin aitty.
«Is júzinde salynǵan sý qubyry jelileri ákimdikterdiń teńgeriminde qalady nemese bilikti mamandary men arnaiy tehnikasy joq beiindi emes kásiporyndarǵa beriledi.
...Búgingi parlamenttik tyńdaýda Májilis tóraǵasy atap ótkendei, bul salada biryńǵai operator qurǵan durys. Sebebi salynyp jatqan jelilerdiń sapasy tómendep ketedi. Bul nysandarǵa qaraityn bilikti mamandar da tapshy. Sondyqtan osy máseleni mańyzdy dep sanaimyz», - dedi vedomstvo basshysy.
