Qazaqstan kommýnistik halyq partiiasynyń (QKHP) ókilderi el halqyn tolǵandyratyn ótkir de ózekti áleýmettik problemalardyń TOP-5-gin qurady, dep habarlaidy "Ult aqparat" partiianyń resmi saityna silteme jasap.
Saittaǵy málimetterge qaraǵanda, taldaý úshin QKHP-nyń qoǵamdyq qabyldaýlaryna jáne «Shapaǵat» halyqtyq jobasyna osy jyldyń bes aiynda kelip túsken azamattardyń ótinishteri negiz boldy. Bul rette, osy ýaqyt ishindegi ótinishter sany ótken jylmen salystyrǵanda aitarlyqtai ósti.
Pandemiia kezeńinde tabysynan aiyrylýyna bailanysty nesielerdiń merzimin ótkizip alý jáne tólemeý qazaqstandyqtar úshin №1 problemaǵa ainaldy. Ekinshi orynda «turǵyn úi máselesi» tur. Bul «saqaldy qurylystardyń», eski jáne apattyq jaǵdaidaǵy turǵyn úilerdiń, sondai-aq banktik mólsherlemeniń joǵary bolýyna bailanysty turǵyn úidi ipotekaǵa satyp alý múmkindiginiń tómendigi týraly máseleler.
Problemalardyń «úzdik» úshtigine TÚKSh tarifterin kóterý de kirip otyr. Sonymen qatar egde jastaǵy qazaqstandyqtar zeinetaqy jasy men shaǵyn zeinetaqynyń ósýine shaǵymdanýda. Al jastar oqshaýlaný kezeńinde shielenisken otbasylyq-turmystyq zorlyq-zombylyqtyń ósýinen zardap shegýde.
«Partiianyń qoǵamdyq qabyldaýlaryna adamdar kóbinese zań kómegin alýǵa júginedi. Máselen, memlekettik organdar tarapynan biýrokratiialyq kedergilerge tap bolady. Osyndai ótinish berýshilermen bizdiń zańgerler jumys isteidi. Olar árbir máselege erekshe kóńil bóledi, al keiinnen sheshimderdiń oryndalýyna baqylaý júrgizedi. Azyq-túlik jáne moraldyq qoldaý «Shapaǵat» halyqtyq jobasy arqyly júzege asyrylady. Ol turmysy tómen, áleýmettik turǵydan qorǵalmaǵan otbasylar men ómirlik qiyn jaǵdaiǵa tap bolǵan adamdarǵa arnalǵan. Aǵymdaǵy kezeńde partiia tarapynan respýblika boiynsha 19 000 (on toǵyz myń) adam qamtyldy…», – deidi QKHP sarapshylary.
