QR Ulttyq bankiniń tóraǵasy Erbolat Dosaev Úkimet otyrysynda eldegi infliatsiianyń turaqty sipatqa ie bolǵanyn aityp, onyń sebepterine toqtaldy, dep habarlaidy QazAqparat.
«Qazaqstanda infliatsiianyń ósýi barynsha turaqty sipat alyp otyr. Biylǵy sáýir men tamyz aralyǵynda jyldyq infliatsiia 7,0%-ten 8,7%-ke deiin jyldamdady. Baǵanyń ai saiynǵy ósimi 2008 jyldan beri alǵash ret tamyzda eń joǵary boldy. Maýsymdyq tazartylǵan bazalyq infliatsiia, iaǵni kókónister men jemister, turǵyn úi-kommýnaldyq sharýashylyǵynyń qyzmetteri men energiia resýrstary baǵasynyń ósýin esepke almaǵandaǵy infliatsiia tarihi ortasha mánderden 25%-ke joǵary boldy jáne ornyqty infliatsiialyq protsesterdiń qalyptasýyn kórsete otyryp, 0,75% boldy», - deidi Ulttyq bank basyshsy.
Onyń sózine qaraǵanda, tutyný baǵasynyń jiyntyq indeksiniń 51%-in azyq-túlik infliatsiiasy qurap otyr.
Al bul – jalpy baǵaǵa qysym kórsetetin faktor.
«Azyq-túlik baǵasynyń jyldyq ósýi bir aida 0,4 paiyzdyq tarmaqqa jedeldep, osy jylǵy tamyzda 11,4%-ke jetti. Et, kókónis, mai jáne qant baǵasynyń ósýi baiqalady. Osy taýarlardyń azyq-túlik komponentine qosatyn úlesi biylǵy jylǵy mamyr-tamyzda 2,55 paiyzdyq tarmaqty qurady. Ettiń qymbattaý faktorlarynyń arasynda osy jyldyń 7 aiynda jem-shóptiń 25%-ke qymbattaýyna bailanysty álemdik baǵanyń jáne ishki óndirýshiler baǵasynyń ósýin atap ótýge bolady. Jem-shóp daqyldarynyń quny et óndirisiniń ózindik qunynyń 70%-in quraidy», - dedi Erbolat Dosaev.
