«Jasyl Qazaqstan» ulttyq jobasy aiasynda 16 iri ónerkásip nysany emissiialardy 20-dan 30%-ǵa deiin tómendetý boiynsha mindettemeler qabyldady, dep habarlaidy QazAqparat.
Bul jaiynda QR Premer-Ministriniń orynbasary Eraly Toǵjanov Májilis depýtattarynyń aldynda málim etti.
«Álemdegi geosaiasi jaǵdai eskere otyryp «Importty almastyrý» baǵdarlamasy ázirlendi. Tizimge, 88 myń jańa jumys ornyn qurý múmkindigi bar, 444 importty almastyrý jobasy engizildi.
Aýylsharýashylyǵy óndirisi tiimdiligin arttyrý maqsatynda 5 jyl ishinde 4,5 trln teńgege 934 investitsiialyq jobany iske asyrý josparlanyp otyr», - dedi Eraly Toǵjanov.
Premer-Ministrdiń orynbasary búginde halyq ekologiia máselesine sergek qaraitynyn atap ótti.
«Bul baǵytta ekoaktivistermen birlesip 485 is-sharany qamtityn 17 jol kartasy iske asyrylýda.
Onyń ishinde «Jasyl Qazaqstan» ulttyq jobasy aiasynda 16 iri ónerkásiptik obekt emissiialardy 20-dan 30%-ǵa deiin tómendetý boiynsha mindettemeler qabyldady.
Sonymen qatar búginde 204 qala men aýdannyń 134-inde qaldyqtardy bólek jinaý, al 96 eldi mekende suryptaý engizildi.
Jalpy qaldyqtardy qaita óńdeý úlesi 21%-ǵa jetti. Aldaǵy ýaqytta olardy kádege jaratý úlesin 34%-ǵa deiin, al ónerkásiptik qaldyqtardy kádege jaratý úlesin 46%-ǵa deiin arttyrý mindeti tur», - dedi Úkimet basshysynyń orynbasary.
