QR Premer-Ministriniń orynbasary Eraly Toǵjanov «Qazaqstanda úndi shtamyna bailanysty lokdaýn jariialanýy múmkin be?» degen suraqqa jaýap berdi, dep habarlaidy "Ult aqparat".
Eraly Toǵjanov QR Prezidenti janyndaǵy Ortalyq kommýnikatsiialar qyzmetinde tilshilerdiń suraǵyna jaýap berýde.
«Búgingi kúni respýblika aýmaǵyna lokdaýn engizýge bailanysty esh másele kórip otyrǵan joqpyz. Ol kún tártibinde de joq. Keshe vedomstvoaralyq komissiia otyrysynda Nur-Sultan qalasynda naqty shekteý sharalaryn qabyldadyq. Sóz joq, onyń bárin aldyn alý sharalary dep aitýǵa tolyq múmkindik bar. Onyń ishinde naqty obektiler men qyzmet kórsetý salasyna, halyq kóp jinalatyn saýda ortalyqtaryna bailanysty qandai sharalar qolǵa alynǵanyn ózderińiz estidińdizder. Sondyqtan qazir osy sharalar ainalasynda jumys istei beremiz. Ári qaraiǵy sheshim qabyldaýymyz eldegi epidemiologiialyq jaǵdaiǵa bailanysty bolady», - dep jaýap berdi Eraly Toǵjanov.
Aita keteiik, 22 maýsymda elordada koronavirýstyń úndi shtammy anyqtaldy. Koronavirýstyń «delta» shtammy joǵary juqtyrǵyshqa ie jáne shtamm anyqtalǵan naýqastardyń 60 paiyzynda 7 kúnge deiingi barynsha qysqa inkýbatsiialyq kezeńimen erekshelenedi.
