Qazaqstanda bes jyldan astam ýaqyttan beri jańǵyrtý máselesi sheshimin tappai kele jatqan 68 problemaly kárizdik tazartý qurylystary bar. Bul týraly Prezident Qasym-Jomart Toqaev aitty, - dep habarlaidy Tengrinews.kz agenttigi.
Úkimettiń keńeitilgen otyrysy kezinde Toqaev energetika jáne jylýmen jabdyqtaý máseleleri barlyq problema emes ekenin atap ótti. Memleket basshysy óńirlerde káriz-tazartý qurylystaryn salý jáne jańǵyrtý máselesi bes jyldan asa ýaqyt sheshilmegenin eske saldy.
"Bastapqyda jobalardy MJÁ tetigi arqyly iske asyrý josparlanǵan bolatyn. Alaida, eki jyldan keiin Úkimet bul ideiadan bas tartty. Endi biz biýdjettik qarjylandyrý men qaryzdardy tartý týraly aityp otyrmyz. Jariialanǵan josparlar eshqashan oryndalmady. Endi Úkimet pen ákimder qýyp jetýdiń ornyna josparlardy tómendetý baǵytynda qaita qaraýǵa sheshim qabyldady jáne 2025 jylǵa qarai tek jeti jobany júzege asyrýdy josparlady. Al elimiz boiynsha 68 problemalyq káriz tazartý qurylysy bar", - dedi Prezident.
