Aqordada Memleket basshysy Nursultan Nazarbaevtyń tóraǵalyǵymen QR Úkimetiniń keńeitilgen otyrysy bastaldy, dep habarlaidy "Ult aqparat" Baq.kz-ke silteme jasap.
«Osy aidyń alǵashqy onkúndiginde úkimettiń keńeitilgen otyrysy ótedi. Otyrys barysynda men halyqtyń tabysyn arttyrýǵa jáne jumyspen qamtýdy qoldaýǵa baǵyttalǵan jańa sharalar usynamyn. Iaǵni, ekonomika tereń tynys alyp, qarqyndy damýy úshin jańa qarajat tartý joldary, bankterdiń jergilikti jerlerde nesie berýi men múmkindikterdi keńeitý máseleleri qarastyrylatyn bolady», - degen bolatyn Memleket basshysy VI shaqyrylymdaǵy parlamenttiń ekinshi sessiiasynyń ashylýynda.
Eske sala ketsek, keshe QR Úkimetinde kadrlyq aýys-túiis boldy. Ministrler kabinetine jetekshilik etken Kárim Másimov QR Ulttyq qaýipsizdik komitetiniń tóraǵasy qyzmetine taǵaiyndaldy.
QR Premer-Ministriniń mindetterin ýaqytsha atqarý Baqytjan Saǵyntaevqa júkteldi.
Memleket basshysynyń Ókimimen QR UQK-niń burynǵy basshysy Vladimir Jumaqanov Qazaqstan Prezidentiniń keńesshisi qyzmetine taǵaiyndaldy.
.jpeg)