Elordada «Ideiadan - shyndyqqa: Qazaqstan Respýblikasynyń Tuńǵysh Prezidenti - Elbasynyń eýraziialyq bastamasyna 25 jyl» atty halyqaralyq ǵylymi-praktikalyq konferentsiiasy ótti, dep habarlaidy Qazaqstan Respýblikasynyń Tuńǵysh Prezidenti - Elbasy kitaphanasynyń baspasóz qyzmeti.
Shara Qazaqstan Respýblikasy Tuńǵysh Prezidentiniń M.V.Lomonosov atyndaǵy Máskeý memlekettik ýniversitetinde oqyǵan «Praktikalyq Eýraziia» ideiasy boiynsha sóilegen sózine jáne Eýraziialyq ekonomikalyq odaqtyń bes jyldyǵyna arnalyp otyr.
Konferentsiia qatysýshylaryna Qazaqstan Respýblikasynyń Tuńǵysh Prezidenti - Elbasy Nursultan Nazarbaev pen Resei Federatsiiasynyń prezidenti Vladimir Pýtin quttyqtaý hat joldady. Pýtinniń quttyqtaý hatyn Resei Federatsiiasy Prezidentiniń shet eldermen aimaqaralyq jáne mádeni bailanystar jónindegi basqarma basshysy Vladimir Chernov oqyp berdi.
«Eýraziialyq keńistiktegi memleketter sońǵy shirek ǵasyrda teń quqyly memleketterdi jumys istep turǵan qýatty ekonomikalyq odaqqa biriktirýge deiingi uzaq joldy júrip ótti. Eýraziialyq integratsiialyq joba tolyqtai tiimdi bolyp shyqty. Transshekaralyq jáne óńiraralyq yntymaqtastyq serpindi túrde kúsheiip, túrli salalardaǵy jobalardy birlesip damytý jalǵasyp jatyr. Sonymen qatar, EAEO aiasynda integratsiialyq úderister Resei men Qazaqstan arasyndaǵy qarym-qatynas pen odaqtastyqty nyǵaitýǵa qosymsha múmkindik beredi», - dep atap ótti óz hatynda Vladimir Pýtin.
Konferentsiiaǵa Eýraziialyq ekonomikalyq komissiianyń basshylary, parlamentterdiń, prezidenttik ákimshilikterdiń, Resei men Qazaqstannyń syrtqy ister ministrlikteriniń ókilderi, elordadaǵy sheteldik diplomatiialyq missiialardyń jetekshileri, jetekshi sarapshylar, qoǵam qairatkerleri, Eýraziialyq ekonomikalyq odaqtyń jýrnalisteri qatysty.
Qazaqstan Respýblikasy Parlament Senatynyń Tóraǵasy Dariǵa Nazarbaeva joldaǵan quttyqtaý sózdi depýtat Serik Bekturǵanov oqyp berdi.
«Memleketimizdiń saiasi jáne áleýmettik-ekonomikalyq salalarynda transformatsiia bolyp jatqan tarihi kezeńde Qazaqstan Respýblikasynyń Tuńǵysh Prezidenti - Elbasy ideiasynyń mańyzy arta tústi. Tarih tórinde jarqyn jáne taǵdyrly kóshbasshylyqtyń kóptegen úlgisin bilemiz. El basshysynyń bastamalary men ideiasynyń aýqymyn, mańyzdylyǵyn baǵalaý úshin belgili bir tarihi kezeń qajet. Shirek ǵasyr - hronologiialyq qashyqtyq. Bul bastapqy ideiany túsinýge, nátijelerdi baǵalaýǵa, Elbasynyń bul protsestegi eńbegin baǵalaýǵa múmkindik berip otyr », - dep jazylǵan Dariǵa Nazarbaeva joldaǵan quttyqtaýda.
