Rahym Oshaqbaev ótinishte partiiadan shyǵý sebebin túsindirdi, dep habarlaidy ulysmedia.kz.
«Men, Rahym Oshaqbaev Sakenuly, Nur Otan partiiasynyń músheliginen shyqqandyǵymdy habarlaimyn, óitkeni men partiia elimizdegi áleýmettik-ekonomikalyq jáne saiasi saladaǵy apatqa jáne lańkestik áreketterge jol bergeni úshin, beibit ýaqytta Qazaqstan azamattarynyń ólimine ákelgen shabýyldar úshin sózsiz moraldyq jaýapkershilikte bolady dep esepteimin. Osyǵan bailanysty men bul uiymda ári qarai qalýym múmkin emes dep sanaimyn», - dep jazylǵan qyzmetten ketý týraly ótinishte.
Rahym Oshaqbaev ár jyldary kvazimemlekettik sektor, memlekettik organdarda laýazymdy qyzmetter atqarǵan. Máselen, «Samuryq-Qazyna» UÁQ» AQ-tyń aqparattyq-taldaý departamentiniń direktory, basqarýshy direktory, «Atameken» Odaǵy» QUEP Basqarma Tóraǵasynyń Birinshi orynbasary, Qazaqstan Respýblikasynyń Investitsiialar jáne damý vitse-ministri bolǵan. 2016 jyldan – TALAP qoldanbaly zertteýler ortalyǵynyń direktory. «Qurmet» ordenimen marapattalǵan.
Rahym Oshaqbaev buryn-sońdy elbasy Nursultan Nazarbaevtyń saiasatyn jaqtaǵany belgili. Tipti, oǵan qatysty talai ret oń pikir bildirgen, suhbattar bergen.
