Qazaqstan Respýblikasynyń Qylmystyq kodeksinen Elbasy Nursultan Nazarbaevty qorlaǵany úshin jaýapkershilikti kózdeitin bap alynyp tastalady, dep habarlaidy Sputnik Qazaqstan agenttigi.
Qoldanystaǵy Qylmystyq kodekste "Qazaqstan Respýblikasynyń Tuńǵysh Prezidentin – Elbasyn kópshilik aldynda qorlaý jáne onyń abyroiy men qadir-qasietine ózge qolsuǵýshylyq, Qazaqstan Respýblikasy Tuńǵysh Prezidenti – Elbasynyń beinesin búldirý, Qazaqstan Respýblikasy Tuńǵysh Prezidentiniń – Elbasynyń zańdy qyzmetine kedergi jasaý" degen 373-bap bar.
Ádilet ministri Qanat Mýsin jýrnalisterdiń suraqtaryna jaýap bere otyryp, bul baptyń alynyp tastalatynyn aitty.
"El prezidentin qorlaǵany úshin jaýapkershilik týraly basqa bap bar, ol qalady. Al Elbasyǵa qatysty bólek bap bolmaidy", - dedi ol.
Sondai-aq jýrnalister Ádilet ministrinen Prezident kezinde jasaǵan áreketteri úshin Nazarbaevty jaýapkershilikke tartýǵa bola ma dep surady.
"Konstitýtsiia boiynsha Qazaqstan Prezidenti memleketke opasyzdyq jasaǵany úshin ǵana emes, basqa qylmystar úshin de jaýapqa tartylady", – dep jaýap berdi Qanat Mýsin.
Konstitýtsiiaǵa ózgerister
Eske salsaq, 5 maýsymda Qazaqstanda konstitýtsiialyq túzetýler boiynsha búkilhalyqtyq referendým ótken bolatyn. Elimizdiń negizgi zańynan "Tuńǵysh Prezident týraly" zańdy joiý arqyly Tuńǵysh Prezident Nursultan Nazarbaevtyń mártebesi týraly erejeler alynyp tastalady.
Sondai-aq qabyldanǵan túzetýlerge sáikes Konstitýtsiianyń 42-babynan Tuńǵysh Prezidentke Memleket basshysy laýazymyna qatarynan eki retten artyq sailaný quqyǵyn beretin ereje alynyp tastalady. Al 46-baptan Tuńǵysh Prezidenttiń mártebesi men ókilettigi Konstitýtsiiamen jáne tiisti Konstitýtsiialyq zańmen aiqyndalatyny týraly tarmaq alynyp tastalady.
Óz kezeginde 91-baptan táýelsiz Qazaqstannyń negizin qalaýshy retinde Tuńǵysh Prezident týraly tujyrym jáne onyń Elbasy (ult kóshbasshysy) mártebesi alynady.
